ایف پی سی سی آئی کے بزنس مین پینل کا سی پیک منصوبہ کے دائرہ کار کو وسعت دینے کے اقدام کا خیر مقدم۔۔۔۔

فیڈریشن آف پاکستان چیمبر آف کامرس اینڈ انڈسٹری(ایف پی سی سی آئی) کے بزنس مین پینل(بی ایم پی) نے جوائینٹ کوآپریشن کمیٹی کے فریقین کے درمیان سی پیک منصوبہ کے دائرہ کار خصوصاً صنعتی شعبے کو وسعت دینے کے حوالے سے معاہدوں پر دستخط کی پیش رفت کو نہایت خوش آئیند قرار دیا ہے۔ایف پی سی سی آئی کے چئیرمین میاں انجم نے چینی صنعتوں کی پاکستان منتقلی کے لئے اٹھائے گئے اقدامات کے علاوہ سی پیک منصوبہ کے پراجیکٹس کے لئے قرضہ جات اور سرمایہ کاری کو قابلِ تعریف قرار دیا ہے۔ اور امید ظاہر کی ہے کہ ان اقدامات سے پاکستان میں تجارتوں کے فروغ کی راہیں ہموار ہونگی اور پاکستان کی معیشت کو کم وقت میں استحکام حاصل ہوگا۔