چین سی پیک منصوبہ کے تحت تیل اور گیس کے شعبے میں 10 ارب ڈالر کی سرمایہ کاری کرے گا۔وزیر منصوبہ بندی و ترقی۔

وفاقی وزیر منصوبہ بندی و ترقی مخدوم خسرو بختیار کا کہنا ہے کہ سی پیک منصوبہ کے سبب پاکستان کے صنعتی شعبے میں ترقی کے علاوہ ملک کی برآمدات میں بھی اضافہ ہوگا۔ ان خیالات کا اظہار انہوں نے اسلام آباد میں منعقدہ یونیورسٹیوں کے تیسرے دو روزہ سی پیک کنسورشیم کے کانفرنس سے خطاب کرتے ہوئے کیا۔ ان کا مزید کہنا تھا کہ چین نے سی پیک منصوبہ کے فریم ورک کے تحت پاکستان کے تیل اور گیس کے شعبے میں 10 ارب ڈالر اور مقامی سٹیل کے شعبے میں 4 ارب ڈالر کی سرمایہ کاری کی یقین دہانی کرائی ہے۔ اس دوران انہوں نے ایم ایل ۔1ریلوے پراجیکٹ کے لئے 9 ارب ڈالر کے فنڈز کی منظوری کے حوالے سے بھی آگاہ کیا۔